മിശിഹാ- മകനേ, നിന്‍റെ സ്വന്തം തൃപ്തിക്കും ഒരു മനുഷ്യനോടു സഹവസിക്കുന്നതിനും വേണ്ടി നിന്‍റെ സമാധാനം അവനിൽ ആശ്രയിച്ചിരിക്കാൻ സമ്മതിച്ചാൽ നീ സങ്കടം അനുഭവിക്കയും കുഴങ്ങുകയും ചെയ്യും.
പ്രത്യുത എപ്പോഴും ജീവിക്കുന്നതും എന്നേയ്ക്കും നിലനിൽക്കുന്നതുമായ സത്യത്തെ ആശ്രയിച്ചിരുന്നാൽ ഒരു സ്നേഹിതൻ നിന്നെ ഉപേക്ഷിക്കയോ മരിച്ചുപോകയോ ചെയ്താൽ നീ അത്ര അധികം ദുഃഖിക്കയില്ല.
സ്നേഹിതന്‍റെ നേരെയുള്ള സ്നേഹം എന്നിൽ നിൽക്കേണ്ടതാണ്. നല്ലവനെന്നും ഈ ജീവിതത്തിൽ വളരെ സ്നേഹമുള്ളവനെന്നും നിനക്കു തോന്നുന്ന ആരെയും എന്നെപ്രതി മാത്രം സ്നേഹിക്കുക.