പാഴായ പാപ ലോകത്തെ

പാഴായ പാപ ലോകത്തെ
സ്നേഹിച്ചു മാ പുരാന്‍
രക്ഷണ്യ ശ്രേഷ്ഠ ദാനത്തെ
എല്ലാരും നേടുവാന്‍

സ്നേഹമേ! ഹാ സ്നേഹമേ!
ആശ്ചര്യ സ്നേഹമേ!
കാല്‍വാരി മേല്‍ രക്ഷിതാവെ
ക്രൂശിച്ച സ്നേഹമേ!

ഉയിര്‍ത്ത ദൈവജാതനെ
ഞാന്‍ സ്വന്തം ആക്കുമേ
എന്‍ ത്രാണം തന്റെ യാഗമേ
തന്‍ രക്തം തീര്‍ത്ഥമേ (സ്നേഹമേ..)

ഞാന്‍ പൂര്‍ണ്ണസ്ഥാനേ സ്നേഹത്താല്‍
എത്തീടും സത്യമേ
പാപാധിഭാര നീക്കത്താല്‍
ആശ്വാസം നേടുമേ (സ്നേഹമേ..)

സന്തോഷത്തോടെന്‍ യാത്രയാം
സ്വര്‍ഗ്ഗീയ ഭാഗ്യം ഞാന്‍
മുന്‍കൂട്ടി കാണും, യേശുവാം
എന്‍ പൂര്‍ണ്ണ സ്നേഹവാന്‍ (സ്നേഹമേ..)

സാത്താന്റെ തോല്‍വി പാടണം
ആഘോഷത്തോടെ നാം
കര്‍ത്താവില്‍ ചാകും ഏവരും
ജയം കൊണ്ടാടണം (സ്നേഹമേ..)