ഭാരിച്ച ദുഃഖത്താല്‍

ഭാരിച്ച ദുഃഖത്താല്‍ പോരാട്ടമാകിലും
നേരോടെ ജീവിച്ചു ആറുതല്‍പെടും ഞാന്‍ (2)

തീരും എന്‍ ദുഃഖം വിലാപവും
ചേരും ഞാന്‍ സ്വര്‍ഗ്ഗെ വേഗം ഹല്ലേലൂയ (2)

കഷ്ടതയാകിലും നഷ്ടങ്ങള്‍ വന്നാലും
ഇഷ്ടന്മാര്‍ വിട്ടാലും പുഷ്ടിയായ്‌ ജീവിക്കും
കൂട്ടു കുടുംബക്കാര്‍ തിട്ടമായ്‌ വിട്ടീടും
കൂട്ടു സഹോദരര്‍ ഭ്രഷ്ടനായ് തള്ളീടും (തീരും..)

എന്തു മനോഹരം ഹന്ത ചിന്തിക്കുകില്‍
സന്തോഷ ദേശമേ നിന്നില്‍ ഞാന്‍ ചേര്‍ന്നീടും
ദൂരത്തായ്‌ കാണുന്നു സോദരക്കൂട്ടത്തെ
യോര്‍ദ്ദാനിന്നക്കരെ സ്വാഗതസംഘത്തെ (തീരും..)

ബോട്ടില്‍ ഞാന്‍ കയറീടും പാട്ടോടെ യാത്രയ്ക്കായ്‌
കോട്ടമില്ലാതുള്ള വീട്ടില്‍ ഞാന്‍ എത്തീടും
രാജമുടി ചൂടി രാജാധിരാജനെ
ആലിംഗനം ചെയ്യും നാളിലെന്താനന്ദം (തീരും..)