നിന്നിഷ്ടം ദേവാ ആയീടട്ടെ

നിന്നിഷ്ടം ദേവാ ആയീടട്ടെ
ഞാനോ മണ്‍പാത്രം നിന്‍ കരത്തില്‍
നിന്‍ പാദത്തില്‍ ഞാന്‍ കാത്തിരിക്കും
നിന്നിഷ്ടം പോല്‍ നീ മാറ്റുകെന്നെ

നിന്നിഷ്ടം പോലെ ആകേണമേ
നിന്‍ സന്നിധൗ ഞാന്‍ താണിരിക്കും
നിന്‍ വചനമാം തണ്ണീരിനാല്‍
എന്നെ കഴുകി ശുദ്ധി ചെയ്ക (നിന്നിഷ്ടം..)

നിന്നിഷ്ടം പോലെ ആകേണമേ
എന്നുള്ളം നോവും വേളയിലും
നിന്‍ കരം തൊട്ടു താലോലിക്കെന്‍
കര്‍ത്താവേ ഞാനും ശക്തനാവാന്‍ (നിന്നിഷ്ടം..)

നിന്നിഷ്ടം പോലെ ആകേണമേ
എന്നിഷ്ടരെല്ലാം തള്ളിയാലും
ഞാന്‍ കൈവിടില്ല എന്നു ചൊന്ന
നാഥാ നിന്‍ വാക്കെന്താശ്വാസമേ (നിന്നിഷ്ടം..)

നിന്നിഷ്ടം പോലെ ആകേണമേ
നിത്യവും ഞാന്‍ നിന്‍ ദാസന്‍ തന്നെ
എന്നുള്ളില്‍ വാഴും ശുദ്ധാത്മാവാല്‍
എന്നും നിറഞ്ഞു ശോഭിപ്പാന്‍ ഞാന്‍ (നിന്നിഷ്ടം..)