നന്ദിയാല്‍ സ്തുതി പാടാം

നന്ദിയാല്‍ സ്തുതി പാടാം
എന്‍ യേശുവിന് ഉള്ളത്തില്‍ എന്നും പാടാം
നല്ലവന്‍ വല്ലഭന്‍ എന്നേശു നല്ലവന്‍
എന്നുമെന്നും മതിയായവന്‍

യെരിഹോമതിലുകള്‍ മുമ്പില്‍ വന്നാലും
യേശു എന്റെ മുന്‍പേ പോകുന്നു
കലങ്ങിടാതെ പതറിടാതെ
സ്തുതികളാല്‍ തകര്‍ന്നുവീഴും (നന്ദിയാല്‍..)

ചെങ്കടല്‍ സമമായ്‌ ശോധന വന്നാല്‍
ദൂതന്മാര്‍ മുമ്പേ പോകുന്നു
വിശ്വാസത്തോടെ ആജ്ഞാപിക്കുമ്പോള്‍
ചെങ്കടല്‍ പിളര്‍ന്നു മാറിടും (നന്ദിയാല്‍..)

ദേഹം ദേഹി ആത്മാവും
തളര്‍ന്നീടും വേളയില്‍
സ്തുതി ഗീതങ്ങള്‍ പാടീടുവാന്‍
കര്‍ത്താവു ബലം നല്‍കീടും (നന്ദിയാല്‍..)