മേല്‍ വീടിനെ നോക്കീടുക

മേല്‍ വീടിനെ നോക്കീടുക,
നിത്യജീവനിന്‍ ലാവണ്യത്തില്‍
മിന്നും ജീവ നദീ തീരത്തു
ശുദ്ധന്മാര്‍ വസിച്ചീടുന്നതില്‍

മേലെ താന്‍, മേലെ താന്‍;
മേല്‍ വീടിനെ നോക്കീടുക;
മേലെ താന്‍, മേലെ താന്‍, മേലെ താന്‍;
മേല്‍ വീടിനെ നോക്കീടുക

മേല്‍ തോഴരെ നോക്കീടുക
യാത്ര തീര്‍ത്തു മുമ്പേ പോയവര്‍
ദൈവത്തിന്‍ മന്ദിരേ പാടുന്ന
ഇമ്പ ഗീതങ്ങള്‍ കേട്ടീടുവിന്‍
മേലെ താന്‍, മേലെ താന്‍,
മേല്‍ തോഴരേ നോക്കീടുക

മേല്‍ വീട്ടിലുണ്ടെന്‍ രക്ഷകന്‍
അങ്ങുണ്ടെന്‍ ബന്ധുമിത്രാദികള്‍
സങ്കടങ്ങള്‍ വെടിഞ്ഞിട്ടു ഞാന്‍
ഭാഗ്യനാട്ടില്‍ പറന്നീടട്ടെ
മേലെ താന്‍, മേലെ താന്‍,
മേല്‍ വീട്ടിലുണ്ടെന്‍ രക്ഷകന്‍

മേല്‍ വീട്ടില്‍ വേഗം പോകും ഞാന്‍
യാത്രയിന്‍ അന്തം ഞാന്‍ കാണുന്നു,
സ്നേഹിതര്‍ അസംഖ്യം അവിടെ
കാത്തു പാര്‍ത്തിരിക്കുന്നെനിക്കായ്‌
മേലെ താന്‍, മേലെ താന്‍,
മേല്‍ വീട്ടില്‍ വേഗം പോകും ഞാന്‍