യേശുവേ രക്ഷാദായകാ

യേശുവേ രക്ഷാദായകാ
നിന്റെ സന്നിധേ വരുന്നു
എന്റെ പാപഭാരവുമായ്‌
വല്ലഭാ ഏകൂ രക്ഷയെ (2)

ഉന്നതി വെടിഞ്ഞവനേ
മന്നില്‍ താണു വന്നവനേ (2)
എനിക്കായിട്ടല്ലയോ
ക്രൂശിങ്കല്‍ ജീവനെ തന്നത് (യേശുവേ..)

പാപം ചെയ്തിടാത്തവനേ
പരിക്ഷീണനായവനേ (2)
എനിക്കായിട്ടല്ലയോ
ക്രൂശിങ്കല്‍ ദാഹിച്ചു കേണത് (യേശുവേ..)

ശാപരോഗമേറ്റവനേ
പാപമായിത്തീര്‍ന്നവനേ (2)
എനിക്കായിട്ടല്ലയോ
ക്രൂശിങ്കല്‍ പാടുകള്‍ ഏറ്റത് (യേശുവേ..)

എന്റെ രോഗം നീ വഹിച്ചു
എന്റെ ശാപം നീക്കി മുറ്റും (2)
നിനക്കായിട്ടെന്നെന്നും
ഞാനിനി ജീവിക്കും നിശ്ചയം (യേശുവേ..)

സ്വീകരിക്കയെന്നെയിന്നു;
ആത്മദേഹി ദേഹത്തെയും (2)
തരുന്നു നിന്‍ കൈകളില്‍
തീര്‍ക്ക എന്നെ നിന്റെ ഹിതം പോല്‍ (യേശുവേ..)