കാല്‍വരിയില്‍ യാഗമായ്‌

കാല്‍വരിയില്‍ യാഗമായ്‌ മൃത്യുവെ വരിച്ചവന്‍
മുള്‍ക്കിരീടധാരിയായ്‌ ക്രൂശിലേറി
കാരിരുമ്പാണികളാല്‍ പീഡനമേറ്റവന്‍
ചുടുചോര ചൊരിഞ്ഞതോ എനിക്കു വേണ്ടി (2) (കാല്‍വരി..)

ചങ്കിലെ ചോരയാല്‍ വീണ്ടെടുത്തവന്‍ നമ്മെ
മാനവപാപത്തെ നീക്കിടുവാന്‍ (2)
ഈ മഹാ ത്യാഗത്തെയോര്‍ത്തിടുമ്പോള്‍
യോഗ്യതയെന്തെന്നില്‍ കണ്ടു നാഥാ
ക്രൂശിച്ച മനുജനോടനുകമ്പ കാട്ടിയും
സ്നേഹിപ്പാന്‍ പഠിപ്പിച്ച യേശുനാഥന്‍ (2) (കാല്‍വരി..)

ഗാഗുല്‍ത്താ മലയില്‍ നിന്നുയര്‍ന്നോരു രോദനം
മാനവപാപത്തിന്‍ മോചനമായ് (2)
നീതിമാനാം ദൈവം നിന്ദിതനായ്
സത്യവാനാമീശോ പീഡിതനായ്
മുള്‍ക്കിരീടധാരിയായ്‌ പരിഹാസമേറ്റതും
മനുജന്റെ ജീവനെ വീണ്ടെടുപ്പാന്‍ (2) (കാല്‍വരി..)