ദൈവപൈതലായ്‌ ഞാന്‍

ദൈവപൈതലായ്‌ ഞാന്‍ ജീവിക്കും
നല്ല പൈതലായ്‌ ഞാന്‍ ജീവിക്കും
മമ്മിയെന്നെ ഓര്‍ത്തിനി കരയില്ല
ഡാഡി എന്നെ ഓര്‍ത്തിനി തേങ്ങുകയില്ല
എന്നും പ്രാര്‍ത്ഥിക്കും ഞാന്‍ വചനം വായിക്കും ഞാന്‍

പാപം ചെയ്യാന്‍ ഇനി പോകുകയില്ല
തെറ്റായ കൂട്ടുകെട്ടില്‍ ചേരുകയില്ല
ടി. വി. ക്കും നെറ്റിനും ഞാന്‍ അടിമയാകില്ല
ദുശീലങ്ങള്‍ക്കൊന്നിനും ഞാന്‍ അടിമയാകില്ല

ലളിതമായ ജീവിതം ശീലിക്കും ഞാന്‍
കഠിനമായി തന്നെ അദ്ധ്വാനിക്കും ഞാന്‍
അന്നന്നുള്ള തെല്ലാം പഠിച്ചു തീര്‍ക്കും ഞാന്‍
കൃത്യ സമയത്തെന്റെ ജോലി ചെയ്തു തീര്‍ക്കും ഞാന്‍