സീയോനേ നീ ഉണര്‍ന്നെഴുന്നേല്‍ക്കുക

സീയോനേ നീ ഉണര്‍ന്നെഴുന്നേല്‍ക്കുക
ശാലേം രാജനിതാ വരുവാറായ്‌ (2)
ശീലഗുണമുള്ള സ്നേഹസ്വരൂപന്‍
ആകാശമേഘത്തില്‍ എഴുന്നള്ളി വരുമേ (2) (സീയോനേ..)

പകലുള്ള കാലങ്ങള്‍ അണഞ്ഞണഞ്ഞു പോയ്‌
കൂരിരുള്‍ നാളുകള്‍ അടുത്തടുത്തേ (2)
ഝഡുതിയായ്‌ ജീവിതം പുതുക്കി നിന്നീടുകില്‍
ഉടലോടെ പ്രിയനെ എതിരേല്‍ക്കാന്‍ പോകാം (2) (സീയോനേ..)

കഷ്ടതയില്ലാത്ത നാളു വന്നടുത്തേ
തുഷ്ടിയായ്‌ ജീവിതം ചെയ്തിടാമേ (2)
ദുഷ്ടലോകത്തെ വെറുത്തു വിട്ടീടുകില്‍
ഇഷ്ടമോടേശുവിന്‍ കൂടെ വസിക്കാം (2) (സീയോനേ..)

അന്ധതയില്ലാത്ത നാളു വന്നടുത്തേ
സാന്ത്വന ജീവിതം ചെയ്തിടാമേ (2)
അന്ധകാരപ്രഭു വെളിപ്പെടും മുന്‍പേ
സന്തോഷമാര്‍ഗ്ഗത്തില്‍ ഗമിച്ചിടുമേ നാം (2) (സീയോനേ..)

അന്ത്യ സമയങ്ങള്‍ അടുത്തുപോയ്‌ പ്രീയരെ
സ്വന്തമെന്നേശുവെ സാക്ഷിക്കുവിന്‍
അന്ധകാരപ്രഭു വെളിപ്പെടും മുമ്പേ
സന്തോഷരാജ്യത്തില്‍ ചേര്‍ന്നിടുമേ നാം (സീയോനേ..)

തിരുസഭയെ നിന്‍ ദീപങ്ങളെന്നുമേ
സൂര്യപ്രഭ പോല്‍ വിളങ്ങിടട്ടെ
മഹിതന്‍ തന്‍ തേജസ്സില്‍ എഴുന്നള്ളി വരുമ്പോള്‍
ഉടലോടെ പ്രീയനെ എതിരേല്പാന്‍ പോകാം (സീയോനേ..)