മുന്‍ കാലത്തില്‍

മുന്‍ കാലത്തില്‍ സഹായവും-എന്നും പ്രത്യാശയും
വന്‍കാറ്റില്‍ മാ സങ്കേതവും-നീ തന്നെ ദൈവമേ

നിന്‍ ആസനത്തിന്‍ കീഴതില്‍-വിശുദ്ധര്‍ വാസമാം;
നിന്‍ കയ്യിന്‍ ശക്തി ആപത്തില്‍-ഞങ്ങള്‍ക്കു രക്ഷയാം

ഭൂലോകം രൂപമാകും മുന്‍-അനാദി കാലമായ്‌
സ്വയംഭൂവായ ദൈവം താന്‍-ഭരിക്കും നിത്യമായ്‌

സഹസ്ര വര്‍ഷം നിന്‍ കണ്ണില്‍-നാളൊന്നു പോലല്ലോ;
യുഗങ്ങള്‍ രാത്രി യാമം പോല്‍-കുറഞ്ഞതാണല്ലോ

എന്നേയ്ക്കും ഓടും ആറു പോല്‍-കാലം പോയീടുന്നേ;
മനുഷ്യര്‍ എല്ലാം സ്വപ്നം പോല്‍-പറന്നു പോകുന്നേ

മുന്‍ കാലത്തില്‍ സഹായവും-എന്നും പ്രത്യാശയും
നിത്യത്തോളം സങ്കേതവും-ദേവാ നീയാകേണം