മുള്‍ക്കിരീടത്താല്‍-മുറിവേറ്റ

മുള്‍ക്കിരീടത്താല്‍-മുറിവേറ്റ യേശുവിന്‍-തല
മോടിയേറും മാമഹത്വ മകുടം ചൂടുന്നു
മകുടം ചൂടുന്നു-ജയ മകുടം ചൂടുന്നു

വാനലോകത്തില്‍ മഹാ ഉയരത്തില്‍ വാഴുന്നാന്‍-അതി
ശോഭയോടു മാമഹത്വ രാജരാജന്‍ താന്‍-
രാജരാജന്‍ താന്‍-കര്‍ത്താധി കര്‍ത്തന്‍ താന്‍

വാനലോകത്തില്‍-പരമാനന്ദം തന്നെ-തിരു
മാമഹത്വം ഇങ്ങറിഞ്ഞ-ഭക്തര്‍ക്കാനന്ദം-
ഭക്തര്‍ക്കാനന്ദം-തിരു സ്നേഹമാനന്ദം

കുരിശിന്‍ ലജ്ജകള്‍-തരും നിത്യ ഭാഗ്യങ്ങള്‍-ബഹു
കോടി കോടി കാലം വാഴും-സ്വര്‍ഗ്ഗരാജ്യത്തില്‍-
സ്വര്‍ഗ്ഗരാജ്യത്തില്‍-തിരു രക്ഷ നേടിയോര്‍

പണ്ടു താന്‍ പെട്ട-കഷ്ടപ്പാടും മരണവും-നര
പാപികള്‍ക്കു നിത്യമോക്ഷ-ഭാഗ്യകാരണം-
ഭാഗ്യകാരണം-സുവിശേഷ ഘോഷണം.