ശാലേം രാജന്‍ വരുന്നൊരു

ശാലേം രാജന്‍ വരുന്നൊരു ധ്വനികള്‍
ദേശമെങ്ങും മുഴങ്ങിടുന്നു
സോദരാ നീ ഒരുങ്ങിടുക ലോകം വെറുത്തിടുക
വേഗം ഗമിച്ചിടുവാന്‍ വാനില്‍ പറന്നുപോകാന്‍

വീശുക ഈ തോട്ടത്തിനുള്ളില്‍ ജീവ ആവി പകര്‍ന്നിടുവാന്‍
ജീവനുള്ള പാട്ടു പാടുവാന്‍ സാക്ഷി ചൊല്ലുവാന്‍
ദൂതറിയിപ്പാന്‍ സഭയുണരുവാന്‍ - (ശാലേം..)

ക്രിസ്തു വീരര്‍ ഉണര്‍ന്നു ശോഭിപ്പാന്‍
ശക്തിയായൊരു വേല ചെയ്യുവാന്‍
കക്ഷിത്വം ഇടിച്ചുകളക സ്നേഹത്താല്‍ ഒന്നിക്ക
വിശ്വാസം കൂടട്ടെ മേലും ധൈര്യം നല്‍കട്ടെ - (ശാലേം..)

അത്ഭുതങ്ങള്‍ അടയാളങ്ങള്‍
സത്യസഭ വെളിപ്പെടുന്നു
ഭൂതങ്ങള്‍ അലറി ഓടുന്നു പുതുഭാഷ കേള്‍ക്കുന്നു
കുഷ്ഠരോഗം മാറുന്നു ജനം ഒന്നു ചേരുന്നു - (ശാലേം..)

ദീപ്പെട്ടികള്‍ തെളിയിച്ചുകൊള്‍ക
എണ്ണപാത്രം കവിഞ്ഞിടട്ടെ
ശോഭയുള്ള കൂട്ടരോടൊത്തു പേര്‍വിളിക്കുമ്പോള്‍
വാനില്‍ പോകുവാന്‍ ഒരുങ്ങി നില്‍ക്കും ഞാന്‍ - (ശാലേം..)