ശുദ്ധാത്മാവേ അണയൂ

ശുദ്ധാത്മാവേ അണയൂ
നിറയുകീ ദാസരില്‍ ദിനവും
വിശ്വാസഭവനത്തില്‍ വസിപ്പാന്‍
ചൊരിയൂ തവകൃപ ദിനവും

സ്നേഹത്തിന്‍ പാതയില്‍ മുന്നേറുവാനായ്‌
തിരുശക്തി പകരൂ ദിനവും
സുവിശേഷത്തിന്‍ നവജ്യോതി
തെളിക്കുവാന്‍ വരം തരൂ ദിനവും (ശുദ്ധാ..)

ഭാരം പ്രയാസങ്ങള്‍ മാഞ്ഞിടുവാനായി
കനിവിന്‍ കരം തരൂ ദിനവും
ഉള്ളം നുറുങ്ങിയോരാശ്രിതരെ
ചിറകതില്‍ മറയ്ക്കൂ ദിനവും (ശുദ്ധാ..)

മനസ്സിന്‍ മാലിന്യം നീങ്ങിടുവാനായ്‌
വചനമാം ജലം തരൂ ദിനവും
പാപാന്ധകാരമീ നേത്രങ്ങളില്‍
നേര്‍വഴി തെളിക്കു ദിനവും (ശുദ്ധാ..)