നന്ദിയാലെന്നുള്ളം നിറയുന്നു

നന്ദിയാലെന്നുള്ളം നിറയുന്നു നാഥാ
ഇന്നയോളമെന്നെ കരുതിയതാല്‍
ദോഷിയാമെന്നെ നിന്‍ വന്‍ ദയയാല്‍
കുറവെന്യേ കാത്തുവല്ലോ (2)

ജീവിതയാത്രയിലനുദിനവും
അതിശയമായെന്നെ നയിച്ചുവല്ലോ (2)
ഒരു നിമിഷവുമീ ധരണിയിലലയാന്‍
അടിയനു നീ ഇടയേകിയില്ല (2) (നന്ദിയാലെ..)

തിരുകൃപയിന്‍ തണലൊരുക്കിയെന്നെ
നിരന്തരമായ്‌ നീ മറച്ചുവല്ലോ (2)
ആധികള്‍ വ്യാധികള്‍ ദുരിതങ്ങളകറ്റി
ക്ഷേമമോടെന്നും നീ പുലര്‍ത്തിയല്ലോ (2) (നന്ദിയാലെ..)