യേശുവേ യേശുവേ

യേശുവേ യേശുവേ ത്രി-ലോക രാജനേ
ഹോശന്ന സ്വര്‍ല്ലോകരാജ-ന്നാലേലൂയ്യാ
യേശുവേ യേശുവേ ത്രി - ലോക രാജനേ

നാശമോ സന്താപമോ നി-ഴലിടാതെ നിന്‍ മഹി
മാനസനെ സദാ ഭരിക്കും -നിത്യ രാജനേ- (യേശു..)

കോടി കോടി ദൂതര്‍ ഗീതം - പാടി വാഴ്ത്തീടും എന്നും
മോടിയായ്‌ നിന്‍ പാദേ ദാസര്‍ - കൂടി ആര്‍ത്തീടും - (യേശു..)

മൂഢരാം നരര്‍ക്കു മോക്ഷം - തേടിയ പുരാന്‍ - ബാലര്‍
പാടുവാന്‍ രക്ഷാ സന്തോഷം - നേടിയ മഹാന്‍ - (യേശു..)

ആദിയും അനാദിയും - നീ ജ്യോതിര്‍ മയമേ - മര്‍ത്യ
ജാതികളെല്ലാരും വന്നാ-രാധന ചെയ്യും- (യേശു..)

ഭൂതങ്ങള്‍ ലോകങ്ങള്‍ സൃഷ്ടി - മാനുഷ മക്കള്‍ - സര്‍വ്വ
ദൂതരും സ്വര്‍ല്ലോകരെല്ലാം വാഴ്ത്തീടുമെന്നും - (യേശു..)