സ്വര്‍ഗ്ഗം തുറക്കുന്ന

സ്വര്‍ഗ്ഗം തുറക്കുന്ന പ്രാര്‍ത്ഥനയെന്‍
നാവില്‍ നിന്നും പുറപ്പെടട്ടെ
ദൂതര്‍ കുനിയുന്ന ആരാധന
അധരങ്ങളില്‍ നിന്നും ഗമിച്ചിടട്ടെ (സ്വര്‍ഗ്ഗം..)

മോറിയാ മലമേലേറുവാന്‍
മായാത്ത വാഗ്ദത്തം മാറേന്തിടാന്‍ (2)
മരണശാപങ്ങള്‍ മായ്ച്ചീടുവാന്‍
കുഞ്ഞാടിന്‍ രക്തത്തെ ഏറ്റു ചൊല്ലാം (2) (സ്വര്‍ഗ്ഗം..)

യെരിഹോ കോട്ടകള്‍ ഉടച്ചിടുവാന്‍
യാഹില്‍ വിശ്വാസമാര്‍ജ്ജിച്ചിടാന്‍ (2)
യൌവ്വന വീര്യത്തിലുണര്‍ന്നീടുവാന്‍
യാമം തോറും പ്രാര്‍ഥിച്ചിടാം (2) (സ്വര്‍ഗ്ഗം..)