മിശിഹാ- മകനേ, നിന്റെ സ്വന്തം തൃപ്തിക്കും ഒരു മനുഷ്യനോടു സഹവസിക്കുന്നതിനും വേണ്ടി നിന്റെ സമാധാനം അവനില്‍ ആശ്രയിച്ചിരിക്കാന്‍ സമ്മതിച്ചാല്‍ നീ സങ്കടം അനുഭവിക്കയും കുഴങ്ങുകയും ചെയ്യും.
പ്രത്യുത എപ്പോഴും ജീവിക്കുന്നതും എന്നേയ്ക്കും നിലനില്‍ ക്കുന്നതുമായ സത്യത്തെ ആശ്രയിച്ചിരുന്നാല്‍ ഒരു സ്നേഹിതന്‍ നിന്നെ ഉപേക്ഷിക്കയോ മരിച്ചുപോകയോ ചെയ്താല്‍ നീ അത്ര അധികം ദുഃഖിക്കയില്ല.

മിശിഹാ: മകനേ, ഉറപ്പായി നിന്ന് എന്നെ ആശ്രയിക്കുക. എന്തെന്നാല്‍, വാക്കുകള്‍ വാക്കുകളല്ലാതെ പിന്നെ എന്താണ്‌?

അവ വായുവില്‍ക്കൂടി പറക്കുന്നു; എന്നാല്‍ ഒരു പുല്ലിനു പോലും ഉപദ്രവം വരുത്തുന്നില്ല.

നീ കുറ്റക്കാരനാനെങ്കില്‍ നിന്നെത്തന്നെ നീ തിരുത്തുമെന്നു സന്തോഷപൂര്‍വ്വം തീര്‍ച്ച ചെയ്യുക. നിന്റെ മനസ്സാക്ഷി ഒരു കുറ്റവും ആരോപിക്കുന്നില്ലെങ്കില്‍ ഈ വാക്ക് ദൈവത്തെപ്രതി സന്തോഷപൂര്‍വ്വം ക്ഷമിക്കുമെന്നു വിചാരിക്ക.